រឿងទាក់ទងនឹងផ្លូវភេទដែលបុរសនៅហ្ស៊ីនទាំងអស់គួរតែដឹង!!!
ការរួមភេទពិតជាផ្នែកមួយដ៏សំខាន់បំផុតសម្រាប់ជីវិតរស់នៅរបស់មនុស្សគ្រប់រូប ហើយជីវិតផ្លូវភេទដ៏មានសុខភាពល្អមួយគឺជាគន្លឹះដ៏សំខាន់។ ទោះបីជាយ៉ាងណាក៏ដោយ មានជំនឿមិនត្រឹមត្រូវច្រើនណាស់ទាក់ទងនឹងរឿងនេះ ហើយបុរសដែលមិនធ្លាប់ប្រឡូកនឹងការរួមភេទសោះពិតជាសង្ស័យច្រើនអំពីជំនឿទាំងនោះ។ បើសិនជាអ្នកជាមនុស្សនៅហ្សីនមែននោះ ខាងក្រោមនេះគឺជារឿងដែលអ្នកគួរតែស្វែងយល់។
ការឡើងរឹងរបស់លិង្គមិនអាចយូរជាង៣ ទៅ៥នាទីឡើយ។ មានន័យថា អ្នកប្រហែលជាឃើញមនុស្សប្រុសខ្លះអាចធ្វើឱ្យលិង្គរបស់ពួកគេរឹងជាប់ និងធ្វើសមយុទ្ធមិនឈប់រហូតដល់៤០នាទីហើយក្នុងវីដេអូសិច ប៉ុន្តែរឿងនេះមិនកើតឡើងលើជីវិតពិតប្រាកដឡើយ។ តាមការសិក្សាបានឱ្យដឹងថា បុរសភាគច្រើននឹងអាចចេញទឹកកាមក្នុងរយៈពេល៣ ទៅ៥នាទីក្រោយពីសូកបញ្ចូលលិង្គរួច។
ការបរបោសអង្អែលមុនពេលរួមភេទគឺជារឿងសំខាន់។ គ្រាន់តែការរួមភេទតាមទ្វារមាសតែមួយគឺមិនគ្រប់គ្រាន់សម្រាប់ធ្វើឱ្យមនុស្សស្រីដល់ត្រើយទេ។ បើសិនជាអ្នកចង់ក្លាយជាគូស្នេហ៍ដ៏ល្អម្នាក់ អ្នកត្រូវតែដឹងអំពីចំណុចមូលដ្ឋានដោយការបរបោសអង្អែលមុនពេលរួមភេទសិន ដូចជាការថើបដ៏ជំនាញ ការភ្ញោច ឬលេងសុដន់ជាដើម។
បទពិសោធន៍ដំបូងប្រហែលជាមិនអាចទទួលបានអ្វីដែលរំពឹងទុកឡើយ។ អ្នកប្រហែលជាតែងតែស្រមៃចង់បានថ្ងៃនេះមកដល់ ប៉ុន្តែពេលវាកើតមានមែន បែរជាធ្វើមិនបានល្អ ដូច្នេះមិនបាច់ពិបាកចិត្តទេ។ អ្នកនឹងធ្វើបានកាន់តែល្អនៅពេលក្រោយទៀត។
ទំហំមិនមែនជាបញ្ហាចោទឡើយ។ បើសិនជាអ្នកបារម្ភថា លិង្គអ្នកប្រហែលជាមិនធំគ្រប់គ្រាន់ដូចនឹងតួសម្តែងក្នុងវីដេអូសិចនោះ មិនបាច់ខ្វល់ឡើយ។ ទំហំមិនមែនជាបញ្ហាក្នុងការយកមកធ្វើសមយុទ្ធ ឡើយ។ បើសិនជាអ្នកមិនមានលិង្គតូចពេកនោះទេ (ខ្លីជាង ៧,៥សង់ទីម៉ែត្រពេលរឹង) គឺជារឿងធម្មតា។
ការពាក់ស្រោមអនាម័យពីរជាន់មិនមែនជារឿងមានសុវត្ថិភាពទេ។ បើសិនជាអ្នកចង់ការពារមិនឱ្យមានផ្ទៃពោះដោយចៃដន្យទេ ចូរពាក់ស្រោមអនាម័យទៅ។ ប៉ុន្តែមិនបាច់ពាក់ដល់ពីរជាន់ឡើយ។
មានអ្នកខ្លះនិយាយថា ការរួមភេទដោយមិនមានការការពារក្នុងពេលមនុស្សស្រីមករដូវនឹងច្បាស់ថា នាងមិនអាចមានផ្ទៃពោះទេ។ ខណៈពេលដែលពេលវេលានេះធ្វើឱ្យការមានផ្ទៃពោះមានទាបក៏ដោយ ក៏អ្នកប្រហែលជានៅតែត្រូវការប្រើស្រោមអនាម័យដដែលដើម្បីមានសុវត្ថិភាព និងបង្ការការឆ្លងជំងឺកាមរោគ។
អ្នកប្រហែលជាយល់ថាខ្លួនឯងដូចជាថប់អារម្មណ៍ និងភ័យៗក្នុងពេលរួមភេទជាលើកដំបូង។ ក្នុងពេលរួមភេទ មិនមែនមានតែប្រដាប់ភេទដែលចូលរួមធ្វើសមយុទ្ធឡើយ។ ប៉ុន្តែទោះបីជាយ៉ាងនេះក្តី អ្នកមិនបាច់ភ័យខ្លាចអ្វីទាំងអស់ឡើយ៕
អត្ថបទ៖ វេជ្ជ. ងួន សេរ័ត្ន
0 comments:
Post a Comment